|
Вёска ў
Ліпнішкаўскім сельсавеце. У XVI ст.
сяло Сонтакі ў Ашмянскім павеце Віленскага
ваяводства. У 1598 г. адносілася да Іўеўскага
войтаўства і маёнтка
Іўе, які
належаў Кішкам, 6 валок зямлі. У сярэдзіне XIX
ст. вёска ў Ліпнішкаўскай воласці Ашмянскага
павета Віленскай губерні. Адносілася да маёнтка
Ліпнішкі памешчыка Вольскага, у 1861 г. 73
рэвізскія душы. У 1897 г. 30 двароў, 230
жыхароў, у 1909 г. 47 двароў, 313 жыхароў, 177
дзесяцін зямлі. У 1921 - 1939 гг. вёска (51
двор, 241 жыхар) у Ліпнішскай гміне
Валожынскага, затым Лідскага паветаў
Навагрудскага ваяводства Польшчы. 3 12.10.1940
г. вёска Сонтакі Ленінскія (55 двароў, 271
жыхар) у
Князікоўскім сельсавеце Іўеўскага
раёна. 3 28.6.1941 г. да 9.7.1944 г. акупіравана
нямецка-фашысцкімі захопнікамі. У 1952 г.
арганізаваны калгас «Голас свету». Са студзеня
1954 г. у калгасе «Маладая гвардыя», з 1986 г. у
калгасе «Авангард». 3 9.9.1960 г. у
Ліпнішкаўскім сельсавеце. Цяпер у складзе
калгаса «Ліпнішкі». Магазін. У 1999 г. 28
двароў, 47 жыхароў.
Крыніца:Памяць:
Іўеўскі раён. - Мінск: Белта, 2002.
|
