|
Вёска ў Трабскім
сельсавеце. У 2-й палове XVIII ст. вёска ў
Ашмянскім павеце Віленскага ваяводства.
Адносілася да маёнтка Сурвілішкі (у 1774 г.
уласнасць Ю.Стыпалкоўскага, пісара Лідскага
павета). 3 1802 г. у складзе маёнтка перайшла ва
ўладанне А.Колышкі, земскага Віленскага. Затым
належала Земскім, Паплаўскім, Дмахоўскім. У
сярэдзіне XIX ст. у
Жамыслаўскай воласці Ашмянскага павета. У
1861 г. 65 рэвізскіх душ,
у складзе маёнтка
Сурвілішкі Дмахоўскіх. У 1897 г. у Трабскай
воласці, 32 двары, 181 жыхар. У 1905 г. у вёсцы
158 жыхароў, 210 дзесяцін зямлі, у аднайменным
засценку 21 жыхар, 17 дзесяцін зямлі. У 1909 г.
у вёсцы 29 двароў, 159 жыхароў, у засценку 4
двары, 19 жыхароў. У 1921-1939 гг. у Трабскай
гміне Валожынскага павета Навагрудскага
ваяводства Польшчы. Ў 1921 г. 31 двор, 150
жыхароў. 3 12.10.1940 г. вёска (35 двароў, 190
жыхароў) у Чэневіцкім сельсавеце
Юрацішкаўскага раёна. 3 26.6.1941 г. да
8.7.1944 г. акупіравана нямецка-фашысцкімі
захопнікамі. У 1949 г. створаны калгас
«Працаўнік». 3 2.12.1959 г.
у Трабскім
сельсавеце. 3 20.1.1960 г. у
Іўеўскім раёне.
3 1960 г. у саўгасе «Трабы». У 1970 г. 61 жыхар.
Цяпер у складзе аграфірмы-калгаса «Трабы». У
1999 г. 5 двароў, 12 жыхароў.
Крыніца:Памяць:
Іўеўскі раён. - Мінск: Белта, 2002.
|
