|
Вёска ў
Юрацішкаўскім пасялковым Савеце. У сярэдзіне
XIX ст. вёска ў Юрацішкаўскай воласці Ашмянскага
павета Віленскай губерні. У 1861 г. у вёсках
Лабачы і Малахі (цяпер не існуе) 21 рэвізская
душа, адносіліся
да маёнтка Якунь памешчыка
Дмахоўскага. У 1897 г. 10 двароў, 88 жыхароў. У
1905 г. 88 жыхароў, 120 дзесяцін зямлі, у 1909
г. 15 двароў, 95 жыхароў, якія мелі 102
дзесяціны зямлі, 21 карову, 14 коней. У 1921 —
1939 гг. у Юрацішкаўскай гміне Валожынскага
павета Навагрудскага ваяводства Польшчы. 3
12.10.1940 г. вёска (26 двароў, 124 жыхары) у
Макуцкім сельсавеце Юрацішкаўскага раёна.
Працавала пачатковая школа. 3 26.6.1941 г. да
7.7.1944 г. акупіравана нямецка-фашысцкімі
захопнікамі. У 1950 г. арганізаваны калгас
«Новае жыццё». Пазней уваходзіла ў склад
эксперыментальнай
базы «Чарнэлі». 3 16.7.1954 г.
у Юрацішкаўскім сельскім, з 3.5.1962 г.
пасялковым Савеце. 3 20.1.1960 г. у
Іўеўскім раёне.
У 1970 г. 136 жыхароў. Цяпер у складзе калгаса
імя К.С.Заслонава. Магазін. У 1999 г. 26 двароў,
41 жыхар. Вёска знаходзіцца ў зоне радыяцыйнага
кантролю.
Крыніца:Памяць:
Іўеўскі раён. - Мінск: Белта, 2002.
|
