|
Вёска ў
Суботніцкім сельсавеце. У XIX — пачатку XX
ст. вёска ў Суботніцкай воласці Ашмянскага
павета Віленскай губерні. Адносілася да маёнтка
Жамыслаўль,
уласнасць Умястоўскіх. У 1861 г. 51 рэвізская
душа, у 1897 г. 19 двароў, 157 жыхароў. У
чэрвені 1906 г. у вёсцы адбываліся сялянскія
хваляванні. У 1909 г. 24 двары, 178 жыхароў, 178
дзесяцін зямлі. У 1921 —1939 гг. у Суботніцкай
гміне Валожынскага, з 1926 г. Лідскага паветаў
Навагрудскага ваяводства Польшчы. У 1921 г. 28
двароў, 156 жыхароў. 3 12.10.1940 г. вёска (35
двароў, 195 жыхароў) у Жамыслаўскім сельсавеце
Іўеўскага раёна.
У Вялікую Айчынную вайну на фронце ваявалі 7
жыхароў, з іх 4 загінулі. У верасне 1950 г.
арганізаваны калгас імя А.В.Суворава. 3 1954 г.
у калгасе імя М.І. Кутузава, з 1960 г. у
саўгасе
«Жамыслаўль» і
ў
Суботніцкім сельсавеце.
Дзейнічала пачатковая школа. Цяпер у складзе
калгаса «Жамыслаўль». У 1999 г. 30 двароў, 51
жыхар.
Крыніца:Памяць:
Іўеўскі раён. - Мінск: Белта, 2002.
|
