Чаркесы

Вёска ў Юрацішкаўскім пасялковым Савеце. У сярэдзіне XIX ст. вёска Чаркесы-Чарты ў Юрацішкаўскай воласці Ашмянскага павета Віленскай губерні. У 1861 г. 19 рэвізскіх душ, дзяржаўная ўласнасць. У 1897 г. 12 двароў, 83 жыхары. У 1909 г. 15 двароў, 105 жыхароў, якія мелі 60 дзесяцін зямлі, 20 кароў, 13 коней. У 1921 -1939 гг. у Юрацішкаўскай гміне Валожынскага павета Навагрудскага ваяводства Польшчы. У 1921 г. 17двароў, 91 жыхар. 3 12.10.1940 г. вёска (23 двары, 115 жыхароў) у Юрацішкаўскім сельсавеце Юрацішкаўскага раёна. 3 26.6.1941 г. да 7.7.1944 г. акупіравана нямецка-фашысцкімі захопнікамі. У 1949 г. арганізаваны калгас імя А.В.Суворава. 3 20.1.1960 г. у Іўеўскім раёне. 3 3.5.1962 г. у Юрацішкаўскім пасялковым Савеце. У 1970 г. 120 жыхароў. Цяпер у складзе калгаса імя К.С.Заслонава. У 1999 г. 28 двароў, 64 жыхары. Знаходзіцца ў зоне радыяцыйнага кантролю.

Артыкулы про в. Чаркесы і яе жыхароў:

Крыніца:Памяць: Іўеўскі раён. - Мінск: Белта, 2002.